Самарқанд шаҳридаги оилавий поликлиника шифокори¸ Олий тоифали врач Сунбула Орифхонованинг фикрича, у ишлаётган ҳудудда коронавирусга қарши кураш учун тиббий воситалар етарли эмас.
12 март куни Бош вазир Абдулла Арипов етакчилигидаги махсус комиссиянинг коронавируснинг олдини олиш масалаларига бағишланган йиғилишида тиббиёт муассасаларида зарур тиббиёт техника етишмаëтгани гапирилган эди.
Соғлиқни сақлаш вазирлигига Россия Федерациясининг "Уральский приборостроительний завод"идан 500 та ўпкани сунъий шамоллатиш аппаратларини сотиб олишга айни шу йиғилишда кўрсатма берилган эди.
OzodNazar меҳмони врач Сунбула Орифхонованинг ташвиш билан билдиришича, “Оддий грипп билан коронавирус фарқини аниқлаш учун зарур текшириш воситаси 16 март куни ҳолатида Самарқанд вилоят касалхоналарида мавжуд эмас.
