САМАРҚАНД. “Самарқанд вилоятидан ёзмоқдаман. Темирйўл вокзали ёнида жойлашган “Агробанк” филиалига валюта айирбошлаш учун кирдим. 20 долларлик банкнотани кассадаги қизга узатсам, “бу пулни ололмаймиз, яроқсиз экан”, деди. Жаҳлим чиқди, ахир бу пулни айнан ўша банкдан олгандим-да. “Агробанк”дан истеъмол кредити олгандим. Март ойи охирларида кредит тўлаш учун банк кассасига 100 доллар бердим ва 50 долларни сўм қилиб қолганини қайтаришни сўрадим. Банк берган долларни уйга келтириб қўйдим. Энди эса ўзлари берган пулни ўзлар қабул қилишмаяпти.
Вазиятни тушунтирсам ҳам, кассир қиз пулни олмади. Банк юристига, яна 2 ходимига учрашдим, аммо масала ҳал бўлмади. Банк бошқарувчиси қабулига 3 марта бордим, жойида йўқ экан.
Ўзбекистонда қора бозорда валюта айирбошлашга қарши кураш кетмоқда. Мен ўқитувчиман, қонунга риоя қилишда бошқаларга ибрат бўлишим керак¸ дея банкка боргандим. Афсус, банклар асоссиз равишда сарсон қилиб, қора бозорнинг яна гуллашига сабаб бўлмоқда”.
(Бу хабар Озодликка 13 май куни келди)
Ўзбекистон ва халқаро ҳаётга оид энг сўнгги янгиликлар, қизиқарли фото-видео тасвирларни Озодликнинг Instagramсаҳифасида кузатинг!
|