30 октябрь куни Ўзбекистон Республикаси бош вазири Абдулла Арипов ўтказган йиғилишда пахта терими вақтида амалга оширилган қўшиб ёзишлар фош қилинди. Натижада, Тошкент ва Жиззах вилояти ҳокимлари қўшиб ёзишга йўл қўйилгани учун ишдан олинди. Хоразм вилояти ҳокими ҳамда Қорақалпоғистон Республикаси раҳбари жиддий огоҳлантирилди. Хоразм ва Навоий вилоятлари ҳамда Қорақалпоғистон Республикаси пахта режасини бажаргани ёлғон бўлиб чиқди.
Бу ҳолат бир неча кундан кейин 100 йиллик юбилейи нишонланадиган Шароф Рашидов давридаги қўшиб ёзишларни ёдга солди. OzodNazarнинг бугунги меҳмони, публицист Шароф Убайдуллаевнинг фикрича, Рашидов давридаги қўшиб ёзишлар билан бугунги қўшиб ёзишлар ўртасида фарқ бор.
