WhatsApp: Андижонда ўқитувчи пахтада маст ҳолда 2 талабани урди
Қуйида Озодликка келган мактуб таҳрирсиз чоп этилмоқда:
"пахта йигим теримига жалб килинган Андижон ... институти А. факультети 3- боскич талабасини отряд рахбарининг йордамчиси маст холда калтаклаган. Хозирда отряд рахбари бу хакида хеч кимга айтмаслик, агар айтса узи ишдан кетиши хакида талабаларни огохлантириб илтимос килябди. Отряд рахбари йордамчиси С. домла бир кизни бошига тепган ва бир талаба йигитни уриб куйган."
Telegram: Коллежнинг 2-3-курс ўқувчиларини пахтага олиб чиқишди
Хоразм вилоятидан келган мактубда дам олиш кунлари коллеж ўқувчилари пахта теримига олиб чиқилгани хабар қилинди:
"Paxtaga bizni tumanda 3-kurslarni paxtaga olib ketibdi. Ayrimlarini aytishicha ba'zi joylarda 2 va 3-kurslarni ham paxtaga olib ketishibdi. Dam olish kunlarda hanuz ham o'qituvchilarni kunlik paxtaga olib chiqishayapti."
CNN: Ўзбекистонда бир миллиондан ортиқ одам ҳукумат қистови остида пахта даласидаги оғир меҳнатга маҳкум қолмоқда
2 октябрь куни CNN International халқаро телетармоғи Ўзбекистон ва Туркманистондаги пахта йиғим-терим кампаниясида фуқаролар меҳнатидан мажбурий фойдаланиш амалиёти танқид қилинган мақолани чоп этди.
Унда йиллар давомида халқаро ташкилотлар босими остида қолаётган ҳукуматлар мажбурий меҳнатдан воз кечиш ваъдасини бажармаётгани, хусусан Ўзбекистонда болалар ўрнига энди катталар далага қувилаётгани таъкидланди.
Шу боис, европаликлар "қулликка ўхшаган" шароитларда ишлашга мажбурланган одамларнинг меҳнати билан етиштирилган пахтадан тикилган кийим-кечакларни кийишдан воз кечиш ва шу билан Ўзбекистон ҳамда Туркманистонда мажбурий меҳнатга чек қўйишга ҳисса қўшишга чақирилди.
Telegram: Эмизикли хотинлар ҳам кечгача далада қолаяпти
Фарғонадан келган мактуб қуйида таҳрирсиз чоп этилмоқда:
"Пахта тераетган еримизга хокимиятни вакилари врачлар келиб ташкилотданмиз деманглар. махаладан уз хохишимиз б/н чикдик денглар. деб ургатиб кетди. агар уларни айтганини килишмаса ишдан хайдалади еки смени озайтирилади.
Эртаман соат 6-7да пахтага олиб кетишади кечки пайт коронгида соат 7-8да олиб келишади. орамизда янги келинчаклар бор. еш боласи борлар бор эртарок олиб келилар. десек сиесатга карши чикяпсан деб ишдан хайдаяпти. тирикчилик шу иш б/н шунга хечким индамиди. дарди ичида."