Шу кунларда Тошкентдаги “Бунёдкор” футбол майдони қурилиши авжига чиққан. Қурувчилар забтига олиб қиздираётган саратон офтобига қасдма-қасд тер тўкaяптилар. Чангу лойга беланган йўлак ва ўриндиқларни тозалаш учун Тошкент шаҳридаги боғча, мактаб ва шифохона ходимлари ҳам ҳашарга жалб этилган.
34 минг мухлисни ўз бағрига оладиган марказий стадион 1 сентябр – Mустақиллик байрамига топширилиши керак. Раҳбарият, (aниқроғи президент) хоҳиши шундай.
Қолаверса, пойдевори икки йил олдин қўйилган стадион очилишини мухлислар ҳам кўзи тўрт бўлиб кутаяпти.
Қурувчиларнинг айтишича, марказий стадион очилгани билан иш тугамайди.
